Gheras Alakhlaq National Schools

انتبهو يا بنات لا احد يتوظف عندهم ،، ادارة عامة سيئة جدا ، يسوون اعلانات وهمية للتوظيف و اخرتها تجلسي ساعة انتظار و تقابلك موظفة ادارية و المديرة العامة اسئلتها لا جودة و لا خبرة بالمقابلات ،،وعند الاستفسار عن نتيجة المقابلة قالوا تم سد الشاغر و زميلتي هناك بلغتني انهم عينوا غير سعودية ،، طيب من الاول بلغوا انكم ماتبون سعوديات ،، ناشرين مطلوب سعوديات و اخرتها التعيين لغير السعوديات من دون تصاريح ، مخالفين للانظمة !! ما تدري عنهم الوزارة و مكتب التعليم و مكتب العمل؟؟؟ ،،و ان رواتبهم غير متناسبة مع الخبرات يعني خبرة او من دون راتبك هو نفسه و بالحد الاقل ،، حصص المعلمات تتخطى ٢٤ حصة و بالغصب مو بكيفك ،،الرواتب تتاخر شهريا و لا يصرفون زيادة الحصص الا لما تنهار الموظفات ( موظف الموارد البشرية سوري او اردني ) ما يرحم و دايم بس يبغى يخصم من راتب الموظفة من دون حق و الموظفات تداوم بالاجازة المطولة ،، ،،، المدارس مشهورة بالطابع الديني و هم مالهم باخلاق الدين أي صلة فقط للسمعة،، لا تعامل من ادارة و لا من قسم المالية ،، واضح ان الملاك مالهم اي دراية باللي حاصل و لا لهم وجود ،،، الحمد لله ربي نجاني منهم

تنمر بين الطالبات بشكل غير مقبول و لا محتمل ،،عندهم فئتين طالبات من عائلات متشددة ( قسم التحفيظ )و طالبات من عائلات ( فري ) بنتي ما ارتاحت لا لطالبات التحفيظ و لا العام ،، البنات اللي مع بنتي بالمتوسط ما غير اقناع تتابع الكوريات و تحضر حفلاتهم و اذا قالت لهم ما احبهم يتنمرون عليها و نحنا ماعندنا هذه الامور بالبيت نحنا اناس لا متشددين لدرجة كل شي لا و لا متحررين لدرجة نسمح لها تروح حفلات ،، و البنات اشكالهم استغفر الله واضح انهم من عائلات ما تهتم و لاتتابع و اللي مسويين قصات بويات و دايم معهم جوالات و يصوروا فيها و يدخلو دورات المياه بالجوالات يصوروا و يسولفو ،،لا و المشكلة لما سالت عن الطالبات صاروا بنات موظفات اداريات بالمدرسة يعني لا حسيب و لا رقيب عليهم و يسوو اللي يبونه ،، نقلت البنت من المدرسة وارتحت ،، بنتي صارت تخاف منهم لا يسوون لها شي ،، سمعة المدارس هذه السنة غير متناسبة مع اسمها للاسف ،،

مدرسه رائعه بكل المقاييس و اغلب المعلمات سعوديات كفاءه عاليه و بيئه تربويه صالحه لغرس القيم الاسلاميه مع المتعه الكامله للطالبات و طرق الدفع ميسره و تعتبر رخيصه لما تقدمه من خدمات و انشطه للطالبات و المكان نظيف جداااااا :) . انصح الجميع فيها و الله على ما اقول شهيد .

بيئة آمنة للطالبات تعليميا وقيما ونشاطا وإنجازا محصن تربوي رائد لبناء جيل واعد

نجي نقدم ونحصل اسلوب *****من قالكم تجون على رسايل الواتس عشان مره ثانيه ماتسمعون كلام الواتس بالله هذا اسلوب !!!!! عيب تكلمنا بهالاسلوب وهالنبره

المبنى ممتاز وملحقات جدًا ممتازة ونظيفة .. كفائة المعلمات وومتازة وادارة ممتازة .. تشرفنا بتسجيل بنتنا فيها (تمهيدي Kg3) لهذا العام وربي يوفق الجميع

سمعة المدرسة جيدة لكن جيت أمس بسجل بنتي رياض أطفال وأمضيت حوالي ساعتين سجلت بياناتها وسويت لها المقابلة ، لكن ماسددت الرسوم على أساس بجي من الغد أسدد ويوم كلمتهم أتأكد من وجود اسم بنتي قالوا لازم تدفعين رسوم السنة كاملة هذا قرار جديد ... وسأضطر لترك المدرسة لهذا السبب ، لايوجد مبرر منطقي لطلب مبلغ سنة كاملة ، سوى الضغط والارهاق المادي على الأهالي ، يعني ماتفكرون إن الأهالي غالبًا ليس لديهم هذا الطفل فقط بل لديهم أبناء آخرين في مدارس أخرى ولديهم مصاريف حرام الوقت اللي ضيعته عندكم ، وبنتي بس تعلقت بالمدرسه على غير سنع